Ommaviy oferta

Xonsaroy Pay to'lov xizmati — foydalanuvchiga onlayn rejimda savdo-xizmat korxonalariga (keyingi o'rinlarda — SXK) tovarlar va xizmatlar (ishlar) uchun to'lovlarni amalga oshirish, o'z bank kartalarini boshqarish, bank kartalari orqali pul o'tkazmalarini bajarish hamda xizmat funksionalida nazarda tutilgan boshqa harakatlarni amalga oshirish imkonini beruvchi to'lov xizmati.

Foydalanuvchi — huquqiy layoqatga ega bo'lgan, EMV bank kartasi egasi bo'lgan jismoniy shaxs.

Bank kartasi — O'zbekiston Respublikasi hududida bank tomonidan chiqarilgan va Xonsaroy Pay to'lov xizmatida ro'yxatdan o'tgan, onlayn ishlaydigan to'lov vositasi.

Shaxsiy ma'lumotlar — aniqlangan yoki aniqlanishi mumkin bo'lgan jismoniy shaxsga oid, Foydalanuvchi tomonidan Xizmatdan foydalanish maqsadida taqdim etilgan ma'lumotlar.

Shaxsiy ma'lumotlarni qayta ishlash — shaxsiy ma'lumotlar ustida amalga oshiriladigan (yoki amalga oshirilishi mumkin bo'lgan) har qanday harakatlar majmuasi, shu jumladan ularni yig'ish, tizimlashtirish, saqlash, o'zgartirish, to'ldirish, ulardan foydalanish, taqdim etish, tarqatish, uzatish, shifrlash, bloklash yoki yo'q qilish.

Identifikatsiya — Foydalanuvchining shaxsini aniqlash jarayoni bo'lib, uning tomonidan taqdim etilgan ma'lumotlarga asoslangan holda Operator tomonidan Xizmat funksionalligi va O'zbekiston Respublikasi qonunchiligiga muvofiq dasturiy va tashkiliy-huquqiy vositalar orqali amalga oshiriladi.

Identifikatsiya quyidagilarni o'z ichiga olishi mumkin: shaxsiy ma'lumotlarni kiritish, shaxsni tasdiqlovchi hujjatlarni yuklash va Xizmatning ayrim xizmatlaridan foydalanish uchun zarur bo'lgan boshqa autentifikatsiya vositalarini qo'llash.

2.1. Mazkur Ommaviy ofertani aksept qilish — Foydalanuvchining Xonsaroy Pay to'lov xizmatida ro'yxatdan o'tishi orqali amalga oshiriladi. To'lov xizmati iOS, Android platformalarida, shuningdek www.xonsaroypay.uz veb-sayti va @XonsaroyPayBot Telegram-boti orqali mavjud.

2.2. Ushbu Shartnomani tuzgan holda, Foydalanuvchi "Xonsaroy Payments" AJga, O'zbekiston Respublikasining shaxsiy ma'lumotlar to'g'risidagi qonunchiligiga muvofiq, o'z shaxsiy ma'lumotlarini (shu jumladan, ammo cheklanmagan holda: to'lov ma'lumotlari, mobil telefon raqami, bank kartalari raqamlari, F.I.SH., ro'yxatga olish ma'lumotlari, shuningdek Xonsaroy Pay to'lov xizmatidan foydalanish uchun zarur bo'lgan boshqa shaxsiy ma'lumotlar) quyidagi harakatlar orqali qayta ishlashga doimiy rozilik beradi: yig'ish, yozib olish, tizimlashtirish, jamg'arish, saqlash, aniqlashtirish (yangilash, o'zgartirish), ajratib olish, foydalanish, uzatish (tarqatish, taqdim etish, kirish huquqini berish), shifrlash, bloklash, o'chirish, yo'q qilish — avtomatlashtirilgan vositalar yordamida yoki ularsiz, ushbu Shartnomani bajarish maqsadida. Foydalanuvchi, shuningdek, "Xonsaroy Payments" AJga ushbu Shartnoma doirasida taqdim etilgan barcha shaxsiy ma'lumotlarni uchinchi shaxslarga uzatishga ham rozilik beradi.

2.3. "Xonsaroy Payments" AJ Foydalanuvchining shaxsiy ma'lumotlarini qonunchilik talablariga va Shaxsiy ma'lumotlarning maxfiyligi siyosatiga muvofiq ravishda himoya qilish uchun barcha zarur choralarni ko'rishga kafolat beradi. Foydalanuvchining shaxsiy ma'lumotlarini qayta ishlash (shu jumladan, uchinchi shaxslarga uzatish) bo'yicha roziligi doimiy hisoblanadi, biroq Foydalanuvchi mazkur rozilikni istalgan vaqtda, mazkur Shartnomaning 6.3-bandiga muvofiq, bekor qilish huquqiga ega.

2.4. Ushbu Ofertani aksept qilish (Shartnomani tuzish) orqali Foydalanuvchi "Xonsaroy Payments" AJ tomonidan uchinchi shaxslar (tashkilotlar) tomonidan taqdim etilayotgan xizmatlardan foydalanishda shaxsini tekshirish va identifikatsiyadan o'tkazishga rozilik bildiradi — bunday tekshiruvlar, ushbu tashkilotlarning qoidalari, ko'rsatmalari va ichki me'yoriy hujjatlariga muvofiq, zarur bo'lgan hollarda amalga oshiriladi.

2.5. Foydalanuvchi shuni qabul qiladi: Xonsaroy Pay foydalanuvchining veb-brauzerini Xizmatdagi hisob ma'lumotlariga bog'lash va keyingi tashriflarda uni tanib olish uchun cookies texnologiyasi va boshqa maxsus texnologiyalardan foydalanadi. Bu texnologiyalar, Xizmatga ulangan Qabul qiluvchilar (savdogarlar) saytlariga murojaat qilganda ham qo'llaniladi.

2.6. "Xonsaroy Pay" Xizmatidan foydalanishni boshlashdan oldin, ushbu Ommaviy oferta matni bilan to'liq tanishib chiqishingiz zarur. Agar Oferta shartlariga (to'liq yoki qisman) rozi bo'lmasangiz, Xizmatdan foydalanishni boshlamasligingiz tavsiya etiladi.

3.1. Xonsaroy Pay EMV plastik kartalari foydalanuvchilariga quyidagi imkoniyatlarni taqdim etadi: tovarlar va xizmatlar (ishlar) uchun onlayn to'lovlarni amalga oshirish, bank kartalarini boshqarish, onlayn rejimda pul mablag'larini yuborish/qabul qilish hamda to'lov xizmati funksionalida nazarda tutilgan boshqa operatsiyalarni bajarish.

3.2. Xonsaroy Pay to'lov xizmatida ayrim xizmatlar pullik asosda taqdim etilishi mumkin. Bunday xizmatlar faqatgina Foydalanuvchi tomonidan, ularning ta'rifi, foydalanish shartlari va narxi ko'rsatilgan alohida ommaviy ofertani o'qib chiqqandan so'ng, mustaqil tarzda faollashtiriladi.

Xonsaroy Pay tomonidan Foydalanuvchi bilan tuzilgan shartnomalar/yakunlangan kelishuvlar doirasida o'z majburiyatlarini lozim darajada bajarish, shuningdek Xonsaroy Pay'ning Hamkorlari bilan tuzilgan bitimlar asosida Foydalanuvchini identifikatsiyalash yoki soddalashtirilgan identifikatsiyani amalga oshirish, Foydalanuvchiga "Xonsaroy Pay" tizimidagi barcha mavjud xizmatlardan foydalanish imkoniyatini taqdim etish; Kommunikatsiyalar. Foydalanuvchi bilan aloqa o'rnatish, shu jumladan Xonsaroy Pay xizmatlaridan foydalanish yoki xizmat ko'rsatish bilan bog'liq bildirishnomalar, so'rovlar va ma'lumotlarni yuborish, shuningdek, Foydalanuvchidan kelib tushgan so'rov va arizalarni qayta ishlash, ularni Xonsaroy Pay hamkorlariga/kontragentlariga bajarish uchun yuborish; Xizmatlar sifatini oshirish. Xonsaroy Pay xizmatlarining sifatini, ulardan foydalanish qulayligini oshirish, yangi xizmatlarni ishlab chiqish, Foydalanuvchiga shaxsiylashtirilgan xizmatlarni taklif etish; Statistik va boshqa tahliliy tadqiqotlarni o'tkazish, jumladan shaxsiy bo'lmagan ma'lumotlar asosida; Marketing tadbirlarini o'tkazish, shu jumladan Xonsaroy Pay va uning hamkorlari tomonidan tashkil etilgan aksiyalarda ishtirok etish takliflarini yuborish hamda aksiya doirasida taqdim etiladigan sovg'a/yutuqlarni olish; Reklama va axborot materiallarini telekommunikatsiya tarmoqlari orqali tarqatish, shu jumladan telefon, faks, mobil aloqa orqali yoki bevosita aloqa shaklida; Reklama materiallarini va boshqa axborotni Foydalanuvchiga yo'naltirish (targeting); Xonsaroy Pay to'lov xizmati orqali qonunchilikka yoki tuzilgan shartnomalarga zid harakatlarni amalga oshirish ehtimolini oldini olish.

3.4. "Xonsaroy Pay" to'lov xizmati interfeysida "o'tkazish", "to'lash" va shu kabi tugmalarni bosish Foydalanuvchining O'zbekiston Respublikasi "To'lovlar va to'lov tizimlari to'g'risida"gi Qonuniga muvofiq ravishda topshirig'i hisoblanadi, va Xizmat interfeysida ko'rsatilgan miqdorda Xonsaroy Payments AJ foydasiga mablag' yechib olinishi bilan bog'liq roziligini bildiradi.

3.5. Xonsaroy Payments AJ Foydalanuvchining topshirig'iga muvofiq "Xonsaroy Pay" to'lov xizmatida ba'zi tovarlar, ishlar yoki xizmatlar uchun davriy (rekurrent) avtomatik to'lovlarni amalga oshirish xizmatini yoqish huquqiga ega. Bunday hollarda, xizmatni yoqish (interfeysdagi mos tugmani bosish orqali) O'zbekiston Respublikasi "To'lovlar va to'lov tizimlari to'g'risida"gi Qonuniga muvofiq Foydalanuvchining tanlagan yetkazib beruvchiga, Foydalanuvchi belgilagan sanada yoki oyning oxirgi kunida, yoki muayyan hodisa yuz berganda (masalan, balans ma'lum miqdordan pastga tushganda) kelgusida (davriy) mablag'larni yechib olish uchun topshirig'i hisoblanadi.

3.6. Foydalanuvchi 3.5-bandda ko'rsatilgan avtomatik to'lov xizmatini "Xonsaroy Pay" to'lov xizmati interfeysida mos tugmalarni bosish orqali istalgan vaqtda o'chirib qo'yishi mumkin.

4.1. Xonsaroy Pay "Xonsaroy Pay" To'lov xizmatining uzluksiz ishlashini ta'minlash majburiyatini oladi, bundan mustasno — agar xizmatdagi uzilishlar uchinchi shaxslarning aybi bilan yuz bersa; shaxsiy ma'lumotlarning yaxlitligi va saqlanishini, ularning maxfiyligini ta'minlaydigan, shuningdek, shaxsiy ma'lumotlarning noqonuniy qayta ishlanishining oldini oladigan huquqiy, tashkiliy va texnik choralarni ko'rish majburiyatini oladi; "Xonsaroy Pay" yangiliklari, Xonsaroy Payments hamkorlari (ular tovarlar va xizmatlar/ishlar yetkazib beruvchilari bo'lib, ularga to'lovlar To'lov xizmatida amalga oshirilishi mumkin) haqida, shuningdek To'lov xizmatiga kiritilayotgan o'zgarish va yangilanishlar haqida Foydalanuvchini o'z vaqtida xabardor qilish majburiyatini oladi.

Xonsaroy Pay Foydalanuvchini identifikatsiya qilish va tekshirish, shuningdek, Foydalanuvchi tomonidan amalga oshirilayotgan operatsiyalarni qonunchilikka muvofiq tekshirish maqsadida, jinoyat yo'li bilan olingan daromadlarni legallashtirish, terrorizmni moliyalashtirish va ommaviy qirg'in qurollarini tarqatishni moliyalashtirishga qarshi kurashish bo'yicha O'zbekiston Respublikasi qonunchiligiga muvofiqligini ta'minlash uchun Foydalanuvchidan ma'lumot talab qilish huquqiga ega. Xonsaroy Pay Foydalanuvchi tomonidan operatsiyalarni amalga oshirishda foydalanilgan pul mablag'lari manbalari to'g'risidagi ma'lumotlarni so'rash huquqiga ega.

4.2. Foydalanuvchi ushbu Ommaviy oferta talablariga rioya qilish majburiyatini oladi; Xizmatdan foydalanish uchun kirish amalga oshiriladigan qurilmaning axborot xavfsizligini mustaqil ravishda ta'minlash majburiyatini oladi; "Xonsaroy Pay" xizmatidan foydalanar ekan, o'zining muomalaga layoqatli ekanligini tasdiqlaydi va kafolatlaydi, shuningdek ushbu xizmatdan firibgarlik va boshqa noqonuniy maqsadlarda foydalanmasligini kafolatlaydi; ushbu Shartnoma bo'yicha o'zining huquq va majburiyatlarini uchinchi shaxslarga Xonsaroy Paymentsning yozma roziligisiz o'tkazishga haqli emas. Bunday harakatlarga urinish haqiqiy emas deb hisoblanadi.

Foydalanuvchi "Xonsaroy Pay" To'lov xizmatidagi shaxsiy hisobiga uchinchi shaxslar tomonidan kirish imkoniyatini taqdim etish, jumladan amalga oshirilgan operatsiyalarni tasdiqlovchi kodlar, mobil telefon raqami, bank kartalarining raqamlari va amal qilish muddatlari kabi ma'lumotlarni ularga uzatish bilan bog'liq barcha javobgarlikni o'z zimmasiga oladi.

• www.xonsaroypay.uz saytida;
• ijtimoiy tarmoqlardagi sahifalarida;
• To'lov xizmati interfeysida joylashtirilgan axborot xabarlari orqali;
• SMS va push-bildirishnomalar orqali.

5.1. Tomonlar ushbu Shartnoma shartlarini bajarmagan yoki lozim darajada bajarmagan taqdirda O'zbekiston Respublikasi qonunchiligiga muvofiq javobgarlikka tortiladi.

5.2. Foydalanuvchi ushbu Shartnoma bo'yicha o'z majburiyatlarini bajarmasligi yoki lozim darajada bajarmasligi natijasida yuzaga kelgan har qanday zarar yoki salbiy oqibatlar uchun javobgarlikni o'z zimmasiga oladi.

5.3. Foydalanuvchi shaxsiy ma'lumotlarini kiritishda ularning saqlanishi uchun to'liq javobgardir, ayniqsa, agar qurilmada himoyalanmagan ulanishlar mavjud bo'lsa yoki zararli dastur va ilovalar tahdidi ostida bo'lsa.

5.4. Agar Shartnoma shartlarining lozim darajada bajarilmasligi Foydalanuvchining o'z majburiyatlarini bajarmaganligi oqibati bo'lsa, Xonsaroy Pay bu uchun javobgar hisoblanmaydi.

5.5. Foydalanuvchi ushbu Ommaviy ofertaning, shuningdek, pullik xizmatlar ofertalarining shartlari bilan tanishmaganligi yoki o'z vaqtida tanishmaganligi sababli yuzaga kelgan har qanday zarar uchun Xonsaroy Pay javobgar emas.

5.6. Agar Shartnoma shartlarining bajarmaslik sabablari Xonsaroy Pay nazorati doirasidan tashqarida bo'lsa, Xonsaroy Pay bunga javobgar emas. Xonsaroy Pay nazorati faqat To'lov xizmatining ishlash holati bilan cheklangan bo'lib, uchinchi shaxslarning aybi bilan yuzaga kelgan uzilishlar yoki davlat yoki sud organlari tomonidan qo'yilgan taqiqlar va cheklovlar uchun javobgarlikni o'z ichiga olmaydi.

5.7. Xonsaroy Pay xizmati orqali mavjud bo'lgan barcha axborot oqimi, shu jumladan kontent, dasturiy ta'minot, funksionallik, materiallar va axborot — "qanday bo'lsa, shunday" tarzda, ya'ni hech qanday o'zgartirishlarsiz yoki qo'shimchalarsiz taqdim etiladi.

5.8. Xonsaroy Pay xizmati orqali mavjud xizmatlar, kontent, materiallar, axborot va funksionallik yuzasidan hech qanday kafolat yoki tasdiq bermaydi, shuningdek, maxfiy ma'lumotlarni uzatish bilan bog'liq har qanday xavfsizlik buzilishlari uchun ham javobgar emas, agar ushbu xizmatlardan foydalanish ushbu Shartnomada nazarda tutilmagan usullarda amalga oshirilgan bo'lsa.

5.9. Foydalanuvchi ro'yxatdan o'tishda ko'rsatgan mobil telefon raqamiga yuboriladigan qisqa xabar (SMS) orqali olingan bir martalik parol (OTP – One Time Password) maxfiyligini saqlash majburiyatini oladi. Ushbu parol orqali amalga oshirilgan barcha harakatlar Foydalanuchi tomonidan bajarilgan deb hisoblanadi. Xonsaroy Pay kompaniyasi foydalanuvchining aybi bilan uchinchi shaxslar bir martalik parolga kirish imkoniga ega bo'lgan taqdirda yuzaga kelgan oqibatlar uchun javobgar emas.

5.10. Xonsaroy Pay har qanday holatda, shu jumladan foyda yo'qotilishi, obro'ga zarar yetishi yoki boshqa yo'qotishlar uchun Foydalanuvchi yoki uchinchi shaxslarga javobgar emas, agar bu tovarlar (ishlar, xizmatlar) Xonsaroy Pay xizmati orqali sotib olingan, qabul qilingan yoki to'langan bo'lsa.

5.11. Har bir Tomon ushbu Shartnomani tuzishdan oldin unda belgilangan javobgarlik cheklovlarini to'liq qabul qilganligini tan oladi. Ushbu cheklovlar Tomonlar o'rtasidagi kelishuvning ajralmas asosini tashkil etadi. Hech bir Tomon o'zining majburiyatlarini bajarmaganligi yoki kechiktirgani uchun javobgar emas, agar bu holat uning oqilona nazorati doirasidan tashqaridagi vaziyatlar bilan bog'liq bo'lsa, jumladan, hukumat harakatlari, terroristik hujumlar, zilzila, yong'in, suv toshqini yoki boshqa tabiiy ofatlar, mehnat sharoitlari bilan bog'liq vaziyatlar, elektr ta'minotidagi uzilishlar yoki Internet aloqasidagi uzilishlar va sh.k.

6.1. Foydalanuvchi akkauntini o'chirib tashlash yoki "Xonsaroy Pay" To'lov xizmatining texnik qo'llab-quvvatlash xizmatiga murojaat qilish orqali xizmatlardan foydalanishni to'xtatishga haqlidir.

6.2. Ushbu Shartnoma, akkaunt o'chirib tashlangan zahoti, bekor qilingan hisoblanadi. Shartnomaning bekor qilinishi, agar Foydalanuvchi tomonidan Pullik xizmatlar faollashtirilgan bo'lsa, To'lov xizmati doirasidagi ushbu pullik xizmatlar bo'yicha tuzilgan boshqa shartnomalarning bekor qilinishini anglatmaydi.

6.3. Agar Foydalanuvchi ushbu Ommaviy oferta shartlarini buzsa, Operator xizmat ko'rsatishni to'xtatish huquqiga ega.

6.4. Foydalanuvchi o'z shaxsiy ma'lumotlarining qayta ishlanishiga roziligini bekor qilish huquqiga ega. Buning uchun ushbu Shartnomaning 9-bo'limida ko'rsatilgan elektron pochta manziliga murojaat yuborilishi lozim.

7.1. Ushbu Shartnomadan kelib chiqadigan har qanday nizo, Foydalanuvchining yozma murojaatiga asoslangan da'vo tartibida yoki tinch yo'l bilan hal etiladi. Murojaatni ko'rib chiqish muddati va uning mazmuniga qo'yiladigan talablar O'zbekiston Respublikasining amaldagi qonunchiligi bilan belgilanadi.

7.2. Agar yuzaga kelgan nizo da'vo tartibida hal etilmasa, u O'zbekiston Respublikasining amaldagi qonunchiligida belgilangan tartibda javobgar tomon joylashgan hududdagi tegishli sudda ko'rib chiqiladi.

7.3. Foydalanuvchilar bilan da'vo ishlari va texnik qo'llab-quvvatlash xizmatlari faqatgina so'rovlarni qabul qilish, ularni ko'rib chiqish va javoblar yuborish orqali amalga oshiriladi. Foydalanuvchi so'rovlari ushbu Shartnomaning 9-bo'limida ko'rsatilgan elektron pochta manzili yoki telefon raqami orqali qabul qilinadi.

8.1. Ushbu Shartnomada to'g'ridan-to'g'ri nazarda tutilmagan barcha hollarda Tomonlar O'Zbekiston Respublikasining amaldagi qonunchiligi va ishbilarmonlik muomalasi odatlariga rioya qiladilar.

8.2. Ushbu Ommaviy ofertani aksept qilish orqali Foydalanuvchi ushbu Shartnomaning barcha shartlariga hech qanday shartsiz roziligini tasdiqlaydi va ularni bajarishga majbur bo'ladi.

9.1. "Xonsaroy Pay" To'lov xizmatida joylashtirilgan barcha obyektlar, jumladan dizayn elementlari, matn, grafika, illyustratsiyalar, video, dasturiy kod va boshqa obyektlar "Xonsaroy Payments" AJ yoki uning hamkorlariga tegishli bo'lgan alohida huquqlar obyektlari hisoblanadi.

9.2. Foydalanuvchi ushbu obyektlarni huquq egasining yozma roziligisiz nusxalash, tarqatish, o'zgartirish yoki foydalanishga haqli emas.